යටත්විජිත සමයේ ආරම්භ කරන ලද අප සංගමය වසර 103 ක කාලපරිච්ජේදයක් රාජ්‍ය සේවයේ නිරත නිලධාරින් සඳහා විවිධ තරඟාවලි සංවිධානය කරනු ලබයි. ලක්ෂ 12කට ආසන්න රාජ්‍ය සේවකයින් අතුරින් රාජ්‍ය සේවා ආයතන/දෙපාර්තමේන්තු/අමාත්‍යාංශ විශාල සංඛ්‍යාවක නිලධාරින් මෙම තරඟාවලි සඳහා වාර්ෂිකව දායකත්වය සපයයි. වර්ෂ 1921දී ආරම්භ කරන ලද රාජ්‍ය සේවා ක්‍රීඩා සංගමයේ ප්‍රධාන වගකීම “රාජ්‍ය සේවයේ නිරතව සිටින නිලධාරින් හා රාජ්‍ය සේවයෙන් විශ්‍රාම ගනු ලැබු විශ්‍රාමිකයන්ගේ නිදහස් කාලය විනෝදයෙන් හා ක්‍රියාශිලිත්වයෙන් මෙන්ම තෘප්තියෙන් ගත කිරීමට පසුබිම නිර්මාණය කිරීමයි" . මෙම අරමුණු මුදුන්පත් කර ගැනීම සඳහා විවිධ ක්‍රීඩා ඉලක්ක කර ගනිමින් , තරඟාවලි රාශිය වාර්ෂිකව පවත්වනු ලබන අතර රාජ්‍ය සේවයේ ආයතන /දෙපාර්තමේන්තු /අමාත්‍යාංශ සියල්ලකම පාහේ ක්‍රීඩක/ක්‍රීඩිකාවන් තරගාවලි සඳහා සහභාගිවේ. තවද එම නිලධාරින්ගේ දක්ෂතා පෝෂණය කිරීම, ක්‍රීඩාශීලිත්වය සහ කණ්ඩායම් හැඟිම් සහ සාමුහිකව වැඩ කිරීම තුළින් සමාජයට වැදගත්හා කාර්යක්ෂම මෙහෙවරක් සිදු කරයි. තවද ක්‍රීඩා අමාත්‍යාංශය හා ජාතික ක්‍රීඩා සංගම් ඒකාබද්ධ වීමෙන් විවිධ වැඩසටහන් සංගමයේ සාමාජිකයන්ගේ සංවර්ධනය සඳහා ක්‍රියාත්මක කරනු ලැබේ.

ජි.එල්.සජිත් ජයලාල්
සභාපති
ශ්‍රී ලංකා රාජ්‍ය සේවා ක්‍රීඩා සංගමය